Breiðablik setti inn Twitter-færslu í síðust viku af Kópavogsvelli snævi þökktum. Blikar sögðu Madrídingum að koma með snjósleða með sér.

Hafrún var spurð hvort að Blikar hefðu ekki viljað að íslenska veðrið væri ekki aðeins meira með Blikum í liði.

„Jú, það væri frábært. Ég væri til í ef Ísland myndi standa fyrir sínu og gefa okkur smá snjó og slyddu. Það væri fínt," sagði Hafrún.

Ási var einnig spurður út í veðrið. „Það er veisla að spila fótbolta núna og auðvitað vill maður hafa þær þannig að þær séu fótboltavænar. En auðvitað úrslitalega séð, ef ég horfi í það, þá held ég að það sé eitthvað til í því sem Hafrún er að segja," sagði Ási.

Leikurinn á morgun hefst klukkan 20:00. Hann er í beinni útsendingu á YouTube og beinni textalýsingu hér á Fótbolti.net.