Tottenham er að íhuga að bæta við sig miðjumanni á láni eftir að ljóst varð að Moussa Sissoko verður frá næstu þrjá mánuðina vegna meiðsla á hné.
Sissoko hefur byrjað alla leiki Tottenham í ensku úrvalsdeildinni í vetur fyrir utan einn.
Eric Dier hefur byrjað tólf leiki á tímabilinu og þeir Tanguy Ndombele og Harry Winks hafa báðir byrjað þrjá deildarleiki síðan Jose Mourinho tók við í nóvember.
Victor Wanyama og Oliver Skipp hafa einungis byrjað einn deildarleik hvor á tímabilinu og Giovani lo Celso hefur ekki náð að festa sig í sessi síðan hann kom frá Real Betis á láni.
Tottenham gæti því leitað á markaðinn til að bæta miðjumanni við hópinn á næstu dögum.
Athugasemdir
