Undirbúningstímabilið á Íslandi er komið á skrið en Þungavigtarbikarinn var settur á laggirnar þegar ljóst var að Fótbolta.net mótið færi ekki fram í ár.

FH vann 2-1 sigur gegn Keflavík í þessu æfingamóti um helgina en leikið var í Reykjaneshöllinni.

FH var 2-0 yfir í hálfleik en annað markið skoraði Davíð Snær Jóhannsson gegn sínum fyrri félögum. Keflavík náði að minnka muninn í seinni hálfleik.

FH var spáð sjöunda sæti á komandi tímabili í ótímabæru spánni á Fótbolta.net en Keflavík því tólfta og neðsta.