08.02.21 - 13:00
Magnús Már Einarsson
Lárus Grétarsson tekinn við Úlfunum (Staðfest)
Lárus Grétarsson
Mynd: Úlfarnir
Lárus Grétarsson
Mynd: Úlfarnir
Lárus Rúnar Grétarsson hefur verið ráðinn þjálfari Úlfanna sem leika í 4. deild. Lárus sem er mörgum íslenskum knattspyrnuáhugamönnum kunnugur og hefur þjálfað nær sleitulaust undanfarin 35 ár.
Úlfarnir eru í samstarfi við Knattspyrnufélagið Fram og er því vettvangur fyrir uppaldna Framara að halda sambandi við sinn klúbb og til þess að koma ungum upprennandi leikmönnum inn í meistarflokksstarf félagsins. Leikir Úlfanna verða spilaðir á Framvellinum í Safamýri í sumar.
„Liðið samanstendur því af leikmönnum sem ganga upp úr 2. flokki Fram og fleiri leikmönnum sem koma úr yngri flokka starfi þess," segir í tilkynningu frá Úlfunum.
„Lárus hefur gert garðinn frægan hjá félögum eins og Fram, Gróttu, Fjölni og Aftureldingu á Íslandi ásamt því að hafa starfað hjá EB Streym í Færeyjum, en þar átti hann einnig farsælan leikmannaferil."
„Þessi ráðning er mikill hvalreki fyrir Úlfanna sem stefna að því að mynda góðan vettvang fyrir leikmenn félagana."
„Liðið samanstendur því af leikmönnum sem ganga upp úr 2. flokki Fram og fleiri leikmönnum sem koma úr yngri flokka starfi þess," segir í tilkynningu frá Úlfunum.
„Lárus hefur gert garðinn frægan hjá félögum eins og Fram, Gróttu, Fjölni og Aftureldingu á Íslandi ásamt því að hafa starfað hjá EB Streym í Færeyjum, en þar átti hann einnig farsælan leikmannaferil."
„Þessi ráðning er mikill hvalreki fyrir Úlfanna sem stefna að því að mynda góðan vettvang fyrir leikmenn félagana."
