Arsenal Tula og CSKA Moskva áttust við í dag í 8-liða úrslitum rússneska bikarsins.

Arnór Sigurðsson var í byrjunarliðinu hjá CSKA í dag en hann lék fyrstu 60 mínúturnar. Hörður Björgvin Magnússon er frá vegna alvarlegra meiðsla.

Heimamenn í Tula byrjuðu betur og komust yfir á 33. mínútu með marki frá Evgeni Lutsenko. Staðan var 1-0 í hálfleik en snemma í þeim síðari jafnaði Vadim Karpov fyrir CSKA. Arnór Sigurðsson lagði upp markið.

Markaskorari Tula, Evgeni Lutsenko, fékk rautt spjald þegar rúmur klukkutími var eftir af leiknum og það tókst CSKA að nýta sér þó það hafi staðið tæpt.

Mario Fernandes gerði sigurmarkið fjórum mínútum fyrir leikslok og tryggði CSKA áfram í undanúrslit bikarsins.

Ásamt CSKA eru FK Akhmat, Lokomotiv Moscow og Krylya Sovetov komin áfram.