Tottenham og Manchester United hafa bæði mikinn áhuga á David Raya, markverði Brentford sem vill ólmur skipta um félag í sumar.
Þau virðast þó ekki vera reiðubúin til að borga þær 40 milljónir punda sem Brentford vill fá fyrir markvörðinn sinn.
Raya á aðeins eitt ár eftir af samningnum sínum og því telja stjórnarmenn Tottenham og Man Utd að hægt sé að prútta verðmiðann niður um 10 milljónir í sumar.
Brentford er þó ekki félag sem er þekkt fyrir að selja leikmenn sína með neinum afslætti og gæti því haldið Raya í sumar ef rétt tilboð berst ekki.
Mark Flekken er búinn að skrifa undir samning við Brentford og er einn af þremur markvörðum sem geta barist um byrjunarliðssæti hjá liðinu í haust, ásamt Raya og Thomas Strakosha.
Athugasemdir