Sami Kamel
Sami Kamel sneri aftur í lið Keflavíkur í dag í leik gegn Víkingum og átti afbragðsleik í 3-3 jafntefli þeirra á HS Orkuvellinum í Keflavík í dag. Sami sem verið hefur frá vegna meiðsla undanfarnar vikur var nokkuð léttur í fasi í viðtali við Fótbolta.net að leik loknum,
Lestu um leikinn: Keflavík 3 - 3 Víkingur R.
„Þetta er frábær tilfinning að snúa aftur á völlinn. Ég hef alltaf elskað að spila fótbolta og þá sérstaklega gegn góðum liðum þar sem ég get skorað á sjálfan mig. Þannig að þetta var góð tilfinning jafnvel þó að ég hafi verið kominn með krampa eftir um áttatíu mínútur sem ég er ekki vanur að gera.“ Sagði Sami Kamel sem átti skínandi leik í liði Keflavíkur í kvöld.
Fyrsta korter leiksins var gufuruglað svo ekki sé fastara að orði kveðið. Fjögur mörk litu dagsins ljós og leikurinn mjög opinn. Hvernig horfði þetta við Sami?
„Við höfðum kannski ekki frumkvæðið en við vorum klárlega tilbúnir í leikinn. Við sýndum mjög gott hugarfar að koma til baka eftir að hafa lent undir. En í upphafi leiks var eftitt að sjá hvort liðið ætlaði að taka frumkvæðið. “
Sami hefur verið frá um talsverðan tíma en upphaflega gerðu menn ráð fyrir að meiðsli hans yrðu þess valdandi að hann yrði frá í örfáar vikur. Önnur varð þó raunin og lék hann sinn fyrsta leik í tæpa tvo mánuði í dag. Hversu erfitt hefur verið að vera í stúkunni?
„Það hefur verið mjög erfitt. Ég hef aldrei glímt við meiðsli sem þessi fyrr á mínum ferli sem svona tíma að jafna sig á. Fyrir mig andlega hafa þetta verið erfiðar átta vikur og þá sérstaklega að horfa á liðsfélaga sína æfa og spila og geta ekki verið hluti af því en þetta er er hluti af leiknum og fylgir þessu.“
Sagði Sami en allt viðtalið má sjá hér að ofan.
Athugasemdir
