Arnór Sigurðsson og Bjarki Steinn eru hluti af aðalliðinu. Jakob Franz Pálsson fór á láni til félagsins frá Þór í febrúar og var síðan keyptur í sumar. Valur lánaði þá Kristófer Jónsson í Venezia á dögunum en þeir koma til með að spila með unglinga- og varaliði félagsins. Hilmir Rafn Mikaelsson gekk þá nýverið í raðir félagsins.

Óttar Magnús Karlsson er einnig á mála hjá Venezia en var nýverið lánaður til Siena.

„Það er geggjað að við séum komnir upp í Serie A sem er risastórt. Þar byrjum við á tveimur tapleikjum og við verðum bara að snúa því við," sagði Bjarki við Fótbolta.net í gær.

Hann var spurður að því hvernig væri að hafa svona marga Íslendinga hjá félaginu. „Það er frábært; því fleiri, því betra."

Hann sagði að lífið á Ítalíu væri algjör snilld en allt viðtalið er hér að neðan.