Það eru nokkrir stuðningsmenn rúmenska landsliðið í Laugardalnum þrátt fyrir að þeir hafi ekki getað fengið miða á leikinn vegna kórónuveirufaraldursins.
Einungis sextíu manns fengu miða á leikinn og ákvað KSÍ að allir miðahafar kæmu úr röðum stuðningssveitar íslenska landsliðsins, Tólfunnar.
Það eru þrátt fyrir það nokkrir Rúmenar mættir í Laugardalinn að styðja við bakið á sínu liði. Þeir eru fyrir utan völlinn.
Tveir þeirra komu sér fyrir í tré við völlinn eins og sjá má á meðfylgjandi mynd.
Gera má ráð fyrir því að Rúmenarnir séu ekki í góðu skapi. Staðan er 2-0 fyrir Ísland í þessum mikilvæga leik. Sigurliðið fer í úrslitaleik um sæti á EM næsta sumar.
Athugasemdir
