Ingvi Rafn leggur skóna á hilluna

Ingvi er uppalinn hjá Selfossi en lék einnig með Árborg, Hamri og Ægi á sínum ferli. Hann lék 324 leiki á sínum ferli og skoraði 30 mörk.

Hann var fyrirliði Selfoss sem vann bæði 2. deild og Fótbolti.net bikarinn í sumar.

„Ég vil þakka þjálfurum, leikmönnum og stjórnarmönnum fyrir tíma minn sem leikmaður Selfoss. Síðustu ár hef ég notið þess í botn að spila fótbolta með liðinu mínu og má segja að ég hafi fengið fullkomin endi með því að lyfta tveimur bikurum, þar af einum á Laugardalsvelli. Takk fyrir mig allir og Áfram Selfoss,” segir Ingvi.