Íslenska liðið náði ekki að skoða æfingavellina fyrir ferðina. Fyrsta æfing liðsins með bolta var í dag.

„Við þurftum aðeins að ýta á eftir því að æfingavellirnir væru góðir til að æfingarnar væru góðar. Allt annað hefur gengið upp."

Fyrri vináttuleikur Íslands í Indónesíu fer fram á fimmtudaginn klukkan 11:30 í beinni á RÚV. Þar mætir Ísland liði sem stuðningsmenn Indónesíu fengu að kjósa um.

„Það hafa 50 leikmenn spilað fyrir Indónesíu á einu ári og svo kemur þetta lið inn í þetta þar sem er valið á netinu. Ég fylgdist með valinu fram að jólum til að geta tekið leikmennina út. Þetta er þjálfari sem hefur aldrei þjálfað þessa stráka og þeir hafa aldrei spilað saman."

„Það var erfitt að ná í hluti sem við leikgreinum fyrir hvern leik.
Hvað liðið ætlar að gera, hvaða taktík þeir ætla að spila og hvað þeir ætla að gera í föstum leikatriðum. Við tókum hluti út sem þjálfarinn þeirra hefur gert hjá sínu félagsliði þegar það varð meistari hér í deildinni."

„Við gátum sýnt strákunum okkar hvernig fótbolti þetta er. Það eru mikil einstaklingsgæði og þetta eru allt stjörnur og fyrirliðar í sínum liðum. Það er undir okkur komið að spila þegar við komum út á völl."

Hér að ofan má sjá viðtalið í heild sinni og svipmyndir frá Indónesíu.