Það var sagt frá því í nóvember í fyrra að Jón væri að skoða í kringum sig eftir að samningur hans rann út. Hann var að skoða það að spila á höfuðborgarsvæðinu eftir að hafa fest niður rætur þar.

En hann verður áfram í ÍBV eins og kemur fram í tilkynningu frá félaginu í dag.

„Jón er frábær leikmaður og liðsmaður sem kom vel inn í lið ÍBV á liðnu ári eftir erfið meiðsli sem gerðu það að verkum að hann gat ekkert leikið á tímabilinu 2021," segir í tilkynningu ÍBV.

Jón er 27 ára gamall örvfættur varnarmaður og spilaði sína fyrstu leiki með ÍBV í efstu deild 2011. Hann hefur á ferli sínum einnig spilað með Grindavík.

Á liðnu tímabili lék hann 18 leiki í deild og bikar með ÍBV en hann var að snúa aftur eftir meiðsli sem héldu honum frá keppni sumarið 2021.