„Sjaldan er ein báran stök," sagði Rudi Garcia, þjálfari Lyon, um ummæli Ronald Koeman á dögunum en Koeman kvartaði yfir skrifum fjölmiðla um áhuga Paris Saint-Germain á Lionel Messi.
Messi verður samningslaus í sumar og virðist ekkert vera að miða áfram í samningaviðræðum hans við Börsunga.
Hann hefur verið orðaður við bæði Manchester City og Paris Saint-Germain en Koeman er þreyttur á að franska félagið sé að ræða um framtíð Messi opinberlega.
Garcia finnst þetta fremur fyndið því Koeman ræddi oft opinberlega um Memphis Depay á síðasta ári þegar hann reyndi að kaupa leikmanninn frá Lyon.
„Ég hef lesið að Ronald Koeman hafi móðgast yfir því að PSG hafi rætt um Lionel Messi fyrir leik þeirra á dögunum. Hann var ekki feiminn að tala um Memphis Depay og það jafnvel eftir að glugginn lokaði. Sjaldan er ein báran stök," sagði Garcia við BeIN Sports.
Athugasemdir