Bayern Munchen og PSG mættust á miðvikudaginn í 8-liða úrslitum Meistaradeildar Evrópu. Frakkarnir fóru með mikilvægan 2-3 sigur af hólmi þar sem Kylian Mbappe gerði tvennu fyrir gestina.
Fyrir þennan leik höfðu Evrópumeistararnir ekki tapað í alls 19 leikjum í röð í Meistaradeild Evrópu. Síðasti tapleikur liðsins kom um haustið árið 2019 og því hafði liðið verið taplaust í keppninni í um eitt og hálft ár.
Bayern hefði þurft að fara í gegnum næstu sjö leiki án þess að tapa til þess að bæta met sem Manchester United á. United fór í gegnum alls 25 leiki í keppninni án þess að tapa.
Man Utd vann Meistaradeild Evrópu árið 2008 eftir sigur gegn Chelsea í úrslitaleiknum í Moskvu. Félagið fór svo alla leið í úrslitaleikinn ári síðar en þá mættu Börsungar og tóku titilinn.
Bayern Munich’s unbeaten Champions League run ends at 19 games.
— B/R Football (@brfootball) April 8, 2021
Manchester United’s 25-game streak in 2007-2009 still unbroken 😤 pic.twitter.com/juCo9xtwtW
Athugasemdir
