Barcola átti frábært tímabil með PSG en er í erfiðri baráttu um byrjunarliðssæti.
Bradley Barcola kantmaður Paris Saint-Germain og franska landsliðsins er efstur á óskalista FC Bayern í sumar.
Barcola, sem verður 23 ára í september, er ekki öruggur með byrjunarliðssæti hjá PSG þrátt fyrir að búa yfir gríðarlegum hæfileikum. Hann er í harðri byrjunarliðsbaráttu við Khvicha Kvaratskhelia, Ousmane Dembélé og Désiré Doué sem eru ofar í goggunarröðinni sem stendur. Þá má ekki gleyma að Lee Kang-in er einnig samningsbundinn félaginu.
Barcola er vinstri kantmaður að upplagi en getur einnig spilað á hægri kanti eða í fremstu víglínu.
PSG vill ekki selja Barcola þó að hann sé ekki með fast sæti í byrjunarliðinu. Kantmaðurinn kom að 40 mörkum í 58 leikjum á nýliðnu tímabili og sýndi frábærar frammistöður.
Takist Bayern ekki að krækja í Barcola hefur félagið áhuga á fjórum öðrum kantmönnum, þeim Nico Williams, Kaoru Mitoma, Rafael Leao og Cody Gakpo.
Athugasemdir
