Cloé er bikarmeistari!
„Þetta er æðislegt. Við vildum ekki upplifa sömu tilfinningar og eftir leik í fyrra. Við fórum 2-1 undir inn í hálfleik en við munum eftir leiknum gegn Þór/KA þar sem við náðum að koma til baka. Við héldum jákvæðninni og útkoman er frábær,“ sagði kanadíska þruman, Cloé Lacasse, eftir að ÍBV varð bikarmeistari.
Lestu um leikinn: Stjarnan 2 - 3 ÍBV
Cloé sýndi hvers hún er megnug og átti þátt í öllum þremur mörkum ÍBV. Hún hljóp kvenna mest í framlengingunni og virtist eiga næga orku í framlengingunni. Hjálpaði það henni að hafa verið í leikbanni í síðasta deildarleik?
„Ég vildi ekki vera í banni, það var ekki planið en kannski hjálpaði það mér í lokin,“ svaraði Cloé sem býst við góðum móttökum þegar Eyjakonur snúa til baka til Vestmannaeyja með bikarinn.
„Við ætlum auðvitað að hafa gaman á eyjunni. Við búumst við fullt af fólki. Flugeldum, kannski smá áfengi. Hver veit? Líklega bara smá vatn og smoothies.“
Nánar er rætt við þennan frábæra leikmann í sjónvarpinu hér að ofan.
Athugasemdir
