Miðjumaðurinn Helgi Valur Daníelsson skrifaði í dag undir nýjan samning við Fylki. Hann ætlar að taka slaginn áfram í Pepsi Max-deildinni næsta sumar en hann verður 40 ára í júlí á næsta ári.
Helgi fjórbrotnaði á fæti á liðnu tímabili og lék því aðeins þrjá leiki í deildinni þetta árið. Í fyrra átti hann frábært tímabil þar sem hann skoraði fjögur mörk í 20 leikjum.
Helgi fjórbrotnaði á fæti á liðnu tímabili og lék því aðeins þrjá leiki í deildinni þetta árið. Í fyrra átti hann frábært tímabil þar sem hann skoraði fjögur mörk í 20 leikjum.
Margir héldu að Helgi myndi leggja skóna á hilluna eftir meiðslin sem hann hlaut en hann tók endurhæfinguna að fullum krafti og var farinn að vera með á æfingum áður en mótið var flautað af nú í haust.
Helgi spilaði lengi erlendis með liðum eins og Peterborough í Englandi, Öster, Elfsborg og AIK í Svíþjóð, Hansa Rostock í Þýskalandi, Beleneses í Portúgal og AGF í Danmörku. Helgi spilaði 38 leiki með yngri landsliðum og 33 leiki með A landsliði Íslands
„Við hjá Fylki erum í skýjunum að Helgi ætli að spila áfram með okkur enda frábær leikmaður og góð fyrirmynd fyrir unga leikmenn félagsins," segir í tilkynningu frá Fylki.
Ólafur Ingi Skúlason, spilandi aðstoðarþjálfari Fylkis, hefur hinsvegar ákveðið að leggja skóna á hilluna og einbeita sér að þjálfun eins og fram kom í útvarpsþættinum Fótbolti.net á X977.
Athugasemdir