Sara Björk Gunnarsdóttir var í byrjunarliði sádí arabíska liðsins Al Qadsiah í gær þegar liðið vann stórsigur.
Sara Björk lagði upp annað mark liðsins á Ajara Nchout sem skoraði fernu í 6-1 sigri.
Þetta var fyrsti sigur liðsins sem er með fjögur stig eftir fjórar umferðir í deildinni.
Hin norsk íslenska María Þórisdóttir var tekin af velli snemma í seinni hálfleik þegar Brighton steinlá 5-0 gegn Arsenal í ensku deildinni í gær. Brighton er með 13 stig í 3. sæti eftir sjö umferðir, stigi á undan Arsenal.
Athugasemdir
