Tindastóll og Fylkir áttust við í Lengjubikar kvenna í kvöld og úr varð hörkuslagur þar sem Eva Rut Ásþórsdóttir kom Fylkiskonum yfir strax á fyrstu mínútu leiksins.

Fylkir hélt forystunni til leikhlés en Elísa Bríet Björnsdóttir sneri stöðunni við með tvennu í upphafi síðari hálfleiks.

Stólarnir voru þá komnir í forystu í Akraneshöllinni og tvöfaldaði Lara Margrét Jónsdóttir þá forystu með marki á 74. mínútu, en Fylkir var ekki á því að gefast upp.

Eva Rut skoraði sitt annað mark þegar hún steig á vítapunktinn og minnkaði um leið muninn, tíu mínútum áður en Birta Margrét Gestsdóttir kom inn jöfnunarmarki á lokakaflanum.

Liðin áttust við í fyrstu umferð riðlakeppninnar og lauk leiknum með 3-3 jafntefli.