Spænska liðinu Cadiz hefur gengið illa á þessari leiktíð en liðið situr í 18 sæti La Liga deildarinnar sem stendur.
Þeir gulklæddu töpuðu 0-2 gegn Real Betis í gær þar sem Pablo Fornals skoraði sitt fyrsta mark fyrir gestina frá Betis. Hann var keyptur frá West Ham í síðasta mánuði.
Þegar ein mínúta var eftir af uppbótartíma leiksins tóku stuðningsmenn Cadiz sig til og köstuðu fjölmörgum stórum gulum plastpokum inn á völlinn. Þetta varð til þess að dómari leiksins ákvað að flauta leikinn af strax.
Liðið hefur einungis unnið tvo deildarleiki á þessari leiktíð og hafa ekki unnið leik síðan 1. september á síðasta ári. Sergio Gonzalez var rekinn í síðasta mánuði sem þjálfari liðsins og við tók Mauricio Pellegrino.
Gengið hefur hins vegar ekkert skánað undir stjórn Pellegrino en hann er fyrrverandi stjóri Southampton.
????| The scenes at the Estadio Nuevo Mirandilla as Cadiz fans throw plastic raincoats onto the pitch in protest of the club's performances.
— Red Card Alert (@collinabanter) February 9, 2024
The referee had to blow for full-time early.
pic.twitter.com/Bii2gZSKHp
