Aníta, sem er fædd árið 2000, er uppalin í FH og steig sín fyrstu skref með meistaraflokki félagsins árið 2015 og spilaði 41 deildarleik með liðinu áður en hún samdi við Víking fyrir tveimur árum.

Á síðasta ári spilaði hún 10 leiki með Víkingum í Lengjudeildinni en er nú mætt aftur í efstu deild.

Hún er gengin í raðir Breiðabliks og berjast við Telmu um markvarðarstöðuna en hin unga og efnilega Dísella Mey Ársælsdóttir hefur verið á bekknum í upphafi tímabilsins.

Aníta á að baki 18 landsleiki fyrir yngri landslið Íslands og hefur þar að auki spilað 75 meistaraflokksleiki þrátt fyrir ungan aldur.

Blikar hafa byrjað tímabilið ágætlega, unnið tvo og tapað einum í fyrstu þremur leikjunum.