Ítölsku risarnir í Juventus eru að stela Memphis Depay undan nefinu á Barcelona samkvæmt hollenskum fjölmiðlum.
Memphis verður samningslaus eftir þrjár vikur og virtist vera á leið með samlanda sínum Georginio Wijnaldum til Barcelona.
Wijnaldum fór þó ekki til Barca þar sem Paris Saint-Germain bauð honum talsvert betri samning.
Nú virðist það sama vera að gerast með Memphis sem hefur verið algjör burðarstólpur í liði Lyon undanfarin fjögur ár. Hann er með þriggja ára samningstilboð frá Barca liggjandi á borðinu en fjölmiðlar í Hollandi segja tilboð Juventus vera talsvert hærra. Hjá Juve myndi Memphis þéna þrjár milljónir evra aukalega á hverju ári.
Memphis hefur verið í fantaformi undanfarin ár og er búinn að skora 18 mörk í síðustu 30 landsleikjum - auk þess að hafa skorað 76 mörk í 178 leikjum með Lyon og átt 56 stoðsendingar.
Sjá einnig:
Barcelona að bjóða Memphis þriggja ára samning
Athugasemdir
