Franska félagið Lyon er byrjað að styrkja sig fyrir átök næstu leiktíðar en liðið endaði í fjórða sæti á nýafstaðinni leiktíð, sjö stigum eftir toppsætinu.
Lyon er búið að krækja í tvo menn á frjálsri sölu á upphafsdögum sumargluggans. Félagið er búið að staðfesta komu vinstri bakvarðarins Henrique og miðvarðarins Damien Da Silva.
Henrique er 27 ára gamall Brassi sem losnar undan samningi hjá Vasco da Gama í ágúst.
Da Silva er 33 ára Frakki sem hefur leikið fyrir Rennes undanfarin ár við góðan orðstír.
Henrique skrifar undir fjögurra ára samning við Lyon og á að fylla í skarð Maxwel Cornet sem verður líklegast seldur í sumar. Cornet hefur verið fastamaður í liði Lyon undanfarin ár.
Athugasemdir