Birkir Hlynsson
Ekkert Mjókurbikarsævintýri bíður kvennaliðs ÍBV þetta sumarið en liðið féll úr leik eftir 3-1 tap gegn Val á Origo vellinum í kvöld. Byrjun eyjakvenna var vægast sagt skelfileg en öll þrjú mörk Vals komu á fyrstu tíu mínútum leiksins.
Lestu um leikinn: Valur 3 - 1 ÍBV
„Gríðarlega svekkjandi bara. Við spiluðum fótbolta í 80 mínútur og stóðum í Íslandsmeisturunum en hefði verið gaman að gera það í 90 en því fór sem fór.“Sagði Birkir Hlynsson aðstoðarþjálfari ÍBV um fyrstu viðbrögð eftir leik.
Fyrstu 10 mínútur leiksins voru ÍBV alls ekki góðar í raun alveg hörmulegar.
„Eins og ég sagði fótbolti er 90 mínútur og við mættum ekki til leiks og ef þú mætir ekki til leiks þá gerast svona hlutir.“
Þrátt fyrir þessa byrjun var seinni hálfleikur hjá ÍBV mun betra svo þjálfarar liðsins hljóta að geta fundið jákvæða hluti úr leik liðsins.
„Já ég er bara mjög ánægður hvernig liðið brást við í seinni hálfleik og stelpurnar sem komu inn stóðu sig mjög vel og eins og þú sagðir við settum eitt sárabótarmark sem kannski segir ekki mikið en gerir kannski mikið fyrir okkur andlega.“
Allt viðtalið má sjá hér að ofan.
Athugasemdir
