Einhverjir hafa haldið því fram að Ronaldo hafi haft gífurleg áhrif á portúgalska liðið frá hliðarlínunni í leiknum og hann hafi leitt liðið áfram til sigurs þar.

En Jose Fonte, fyrrum varnarmaður Portúgal, segir það ekki passa. Hann og aðrir leikmenn liðsins hafi ekki tekið eftir Ronaldo á hliðarlínunni.

„Við vorum einbeittir á að reyna að vinna leikinn. Við sáum bara hvað gerðist á myndböndum eftir leik," sagði Fonte nýverið.

„Ef ég á að vera hreinskilinn þá vorum við bara að einbeita okkur að vinna leikinn."

Ronaldo, sem er í dag 39 ára, spilaði með Portúgal á EM í sumar og átti hann ekki gott mót.