Fótbolti.net setti saman líklegt byrjunarlið fyrir leik kvöldsins í gær. Við spáðum því að Ísland myndi fara í 4-5-1 og inn í liðið myndu koma Rúnar Már Sigurjónsson og Emil Hallfreðsson, fyrir Jón Daða Böðvarsson og Arnór Ingva Traustason.

Kolbeinn Sigþórsson yrði þá fremsti maður, en spurning er hvort að hann sé tæpur

Haukur var spurður út í byrjunarliðið í kvöld.

„Ég held að það verði svipað því sem verði á laugardaginn. Það er spurning hvort það verði tveir framherjar eða einn, þeir hafa oft fallið í að vera með einn framherja á útivöllum, og jafnvel á heimavelli líka. Mér finnst ekki ólíklegt að það verði breytt um taktík. Spurning er hvort Kolbeinn sé til í tvo byrjunarliðsleiki með svo stuttu millibili," sagði Haukur.

„Ég gæti séð fyrir mér að annar hvort þeirra byrji (Jón Daði eða Kolbeinn). Það er erfitt að spá í spilin. Við erum með marga góða kosti, það er fín breidd í hópnum."

„Varnarlínan verður líklega nákvæmlega eins. Ari Freyr hitti á frábæran leik og Hjörtur Hermanns er að koma mjög vel inn í hægri bakvarðarstöðuna. Ég hugsa að það verði ekki alltof margar breytingar, kannski ein eða tvær," sagði Haukur.

Viðtalið má sjá í heild sinni hér að neðan.