Elías Rafn Ólafsson varði mark Midtjylland í kvöld sem spilaði við Nordsjælland í dönsku úrvalsdeildinni.
Jonas Lössl er aðalmarkvörður Midtjylland en hann er frá þessa stundina og fær Elías því að spila.
Þessi efnilegi strákur stóð sig með prýði í 2-0 sigri og lagði á meðal annars upp annað mark liðsins.
Annað mark Midtjylland var skorað á 76. mínútu og er stoðsendingin skráð á Elías sem er ansi vel gert.
Þetta var sjötti sigur Midtjylland í sumar og er liðið nú á toppnum með 18 stig þegar átta leikir eru búnir.
Elías spilaði síðast 90 mínútur með Midtjylland gegn Silkeborg þann 20. ágúst.
Athugasemdir