KR og FH sögð vilja fá Hákon Rafn

Hákon er nítján ára gamall og lék sitt fyrsta tímabil í efstu deild í sumar. Hann hjálpaði Gróttu að komast upp í fyrra og lék með liðinu í Pepsi Max-deildinni í sumar.

Grótta féll úr deildinni en Hákon er talinn eiga mjög bjarta framtíð og var í liði ársins í 1. deildinni á síðasta ári.

Beitir Ólafsson, aðalmarkvörður KR, er að renna út á samning en Rúnar Kristinsson vill halda honum innan raða félagsins. Færeyski landsliðsmarkvörðurinn Gunnar Nielsen er aðalmarkvörður FH.