Rúmir tveir sólarhringar eru í leikinn stóra, þann stærsta. Ísland mætir Ungverjalandi í úrslitaleik um sæti á EM á fimmtudagskvöld. Leikið er í Búdapest og hefst leikurinn klukkan 18:45 og verður í beinni útsendingu á Stöð 2 Sport.
Mikið er undir í leiknum og sagði Björn Berg Gunnarsson, deildarstjóri greiningar hjá Íslandsbanka, leikinn þann verðmætasta í sögu íslenskrar knattspyrnu.
Rithöfundurinn og skemmtikrafturinn Bergur Ebbi Benediktsson er orðinn mjög peppaður fyrir leiknum og segir eitthvað vera skrifað í skýin.
„erum við að átta okkur á því að Ísland-Ungverjaland er bara eftir tvo sólarhringa?!!!" skrifar Bergur á Twitter og bætir svo við:
„það er eitthvað skrifað í skýin. Það er allt í gangi núna. Um helgina tapaði Trump loksins kosningunum. Á mánudag komu fréttir af bóluefni. Allt er þegar þrennt er. Sigur á fimmtudag, og ég skal fara í sóttkví fram á EM!"
Áætlað er að EM hefjist þann 11. júní næsta sumar. Ef Ísland vinnur og Bergur hefur sína sóttkví á fimmtudag þá verður hann 211 daga í sóttkví ef hann stendur við stóru orðin.
það er eitthvað skrifað í skýin. Það er allt í gangi núna. Um helgina tapaði Trump loksins kosningunum. Á mánudag komu fréttir af bóluefni. Allt er þegar þrennt er. Sigur á fimmtudag, og ég skal fara í sóttkví fram á EM!
— Bergur Ebbi (@BergurEbbi) November 10, 2020
Athugasemdir