Enski markvörðurinn Dean Henderson var hetja Nottingham Forest í enska deildabikarnum í kvöld er hann varði tvær vítaspyrnur í vítakeppninni gegn Wolves., en hann verður ekki með í undanúrslitunum gegn Manchester United.
Henderson var valinn besti maður vallarins í sigrinum á Wolves og hefur í raun verið með bestu leikmönnum liðsins á leiktíðinni.
Hann er á láni hjá Forest frá Manchester United en nú er komin upp sú staða að liðin eigast við í undanúrslitum deildabikarsins.
Samkvæmt reglunum má Henderson ekki spila gegn United í leikjunum tveimur en það er þó veitt undanþága ef United gefur Forest grænt ljóst á að nota hann.
Það verður þó að teljast afar ólíklegt að United leyfi honum að spila leikina enda sæti í úrslitum í boði fyrir sigurvegarann.
Sex ár eru liðin frá því United vann síðast bikar en þá vann það Evrópudeildina undir stjórn Jose Mourinho.
Athugasemdir
