Nokkuð óvænt úrslit litu dagsins ljós í fyrstu leikjum dagsins í spænska boltanum þar sem Real Sociedad og Villarreal mistókst að sigra.

Real Sociedad heimsótti Valencia og komst tveimur mörkum yfir fyrir leikhlé þökk sé mörkum frá Ander Guevara og Svíanum Alexander Isak. Mörkin komu skömmu eftir að Carlos Soler misnotaði vítaspyrnu fyrir heimamenn.

Daninn Daniel Wass minnkaði muninn með marki úr vítaspyrnu í síðari hálfleik og jafnaði Gabriel Paulista, fyrrum leikmaður Arsenal, leikinn á 73. mínútu.

Heimamenn þurftu að spila síðustu mínúturnar leikmanni færri eftir að Maxi Gomez fékk sitt annað gula spjald. Sociedad tókst þó ekki að gera sigurmarkið þrátt fyrir mikla yfirburði á lokakaflanum.

Sociedad er í harðri Evrópudeildarbaráttu við Real Betis og Villarreal á meðan Valencia er átta stigum frá fallsvæðinu.

Valencia 2 - 2 Real Sociedad
0-0 Carlos Soler ('30 , Misnotað víti)
0-1 Ander Guevara ('33 )
0-2 Aleksander Isak ('45 )
1-2 Daniel Wass ('60 , víti)
2-2 Gabriel Paulista ('73 )
Rautt spjald: Maxi Gomez, Valencia ('79)

Villarreal tapaði þá afar óvænt heimaleik gegn Osasuna. Heimamenn stjórnuðu fyrri hálfleiknum en síðari hálfleikur var talsvert jafnari þar sem bæði lið komust í góð færi.

Staðan var markalaust allt þar til á 64. mínútu, þegar þrjú mörk duttu inn á tíu mínútna kafla.

Jon Moncayola kom gestunum yfir á 64. mínútu en Villarreal tókst að jafna þökk sé sjálfsmarki. Skömmu síðar gerði Ante Budimir svo sigurmark Osasuna.

Villarreal er einu stigi á eftir Sociedad á meðan Osasuna er jafnt Valencia á stigum.

Villarreal 1 - 2 Osasuna
0-1 Jon Moncayola ('64 )
1-1 David Garcia ('70 , sjálfsmark)
1-2 Ante Budimir ('74 )

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit