Fótbolti.net

Ívar Örn: Það fer okkur mjög vel að spila hér í Laugardalnum

Grímsi: Vonandi er stíflan brostin sem ég er búinn að vera að glíma við

Óskar Hrafn: Ekkert grín að vera með þrjá fullvaxta karlmenn sem fá að faðma þig

Á tvo fulltrúa í íslenska liðinu - „Átti alveg von á því að hún yrði í þessum sporum"

Þorgerður Katrín: Ég hef alveg upplifað það verra

Pabbi Karólínu: Hún hafði einhverja áru yfir sér

Goðsögnin Ásta B: Þetta eru bara heimsklassa leikmenn

Kærasti Glódísar: Eigum við ekki bara að segja að það komi í ljós?

„Erfiðara að horfa á börnin mín en þegar ég var sjálf að spila"

Hemmi Hreiðars: Rosalegur karakterssigur

Aðalsteinn Jóhann: Ég hef ekki hugmynd um það

Gylfi Þór: Vonandi verður þetta jákvætt í lok tímabilsins

Lárus Orri: Frekar fúllt að labba héðan í burtu með ekkert stig

Eyjamenn stöðvuðu blæðinguna - „Maður er búinn að bíða eftir því"

Sölvi Geir: Ætla að vona að þetta sé að einhverju leyti vellinum að kenna

Haraldur Einar: Vaknaði ferskur og írskir dagar

Davíð Smári ósáttur með stóra ákvörðun - „Ofboðslega sorglegt"

Rúnar Kristins: Ég skaut fastar en hann bæði með hægri og vinstri

Valsmenn fengu góðan stuðning á Ísafirði - „Það skiptir máli"

Freysi Sig: Hinn Hornfirski Messi

þri 11. maí 2021 20:55

Sæbjörn Þór Þórbergsson Steinke
Boginn

Alfreð Elías: Ótrúlega skemmtilegt lið í making

Ákvað að nota tækifærið og nota þetta líka sem svona pepöpp ferð

Mynd: Fótbolti.net - Hafliði Breiðfjörð

Ég þakka dómarunum fyrir að leyfa mér að lifa mig inn í leikinn

Mynd: Fótbolti.net - Hafliði Breiðfjörð

„Ég er ótrúlega lukkulegur með þennan sigur, við áttum sennilega einn af verstu leikjum míns þjálfaraferils hér í fyrra. Við Óttar vorum duglir að minna á að það þarf dugnað og orku til að spila gegn Þór/KA," sagði Alfreð Elías Jóhannsson, þjálfari Selfoss, eftir sigur á Þór/KA í Boganum.

Selfoss leiddi 1-0 í leikhléi með marki frá Brennu Lovera og í seinni hálfleik skoraði Caity Heap annað mark liðsins.

Lestu um leikinn: Þór/KA 0 - 2 Selfoss

Lið Selfoss kom til Akureyrar í gærkvöldi og var Alfreð spurður út í hugsunina á bakvið þá ákvörðun.

„Þetta blessaða covid hefur ekki verið að þjappa okkur vel saman, við höfum þurft að sleppa því að fara erlendis og annað slíkt. Þannig ég ákvað að nota tækifærið og nota þetta líka sem svona pepöpp ferð og koma hópnum saman, hafa gaman og það verður ennþá skemmtilegra á leiðinni til baka með þrjú stig í poka."

Hver var lykillinn að sigrinum?

„Í dag ætluðum við að hlaupa meira, alveg eins og við gerðum í Keflavík. Við vitum að við erum lið sem er fullt af gæðum. Ef Hólmfríður er ekki að skora eða leggja upp þá tekur Brenna við eða Caity. Eva Núra og Þóra eru svo frábærar á miðjunni. Það eru margir einstaklingar sem geta tekið þetta upp á sitt einsdæmi og ótrúlega skemmtilegt lið sem við erum með í making eins og þeir segja."

Hver er hugmyndin með að fá erlenda leikmenn eins og Caity og Brennu inn í hópinn? Er þetta rétta blandan sem þú ert kominn með þarna?

„Eftir tvo leiki já, þá er þetta rétta blandan. Mér finnst ótrúlega mikilvægt að þegar þú ert að fá erlenda leikmenn inn, þetta eru atvinnumenn, þeir eiga að gefa meira frá sér heldur en bara þrjú stig. Þeir eiga að gefa til yngri leikmanna hvernig þú átt að hugsa um þig, hvernig þú átt að spila fótbolta á æfingum. Einnig hvernig á að vera tilbúinn og klár í verkefnið. Við erum ánægðir að þær séu mjög professional í því fyrir utan að vera mjög góðar í fótbolta og henta okkur alveg ágætlega."

Alfreð var spurður út í köllin frá bekkjunum, slíkt heyrist vel inni í Boga.

„Ég var mjög ánægður með leikinn og hvernig hann var dæmdur. Ég þakka dómarunum fyrir að leyfa mér að lifa mig inn í leikinn. Ég var ekkert að segja neitt við Andra, Andri lifir sig alveg eins inn í þetta. Við viljum báðir vinna," sagði Alfreð.

Viðtalið í heild sinni má sjá í spilaranum hér að ofan.