Raul Martin Presa, forseti Rayo Vallecano á Spáni, sakar umboðsmann spænska sóknarmannsins Raul de Tomas um að hafa skallað sig í miðjum viðræðum í sumar, en hann hefur nú lagt fram formlega kvörtun gegn umboðsmanninum.
Rayo vildi kaupa De Tomas frá Espanyol í sumar og fór félagið því beint í viðræður við Ivan Garcia, umboðsmann De Tomas.
Forseti Rayo heldur því nú fram að Garcia hafi skallað hann á fundi sem varð til þess að hann þurfti að fara á sjúkrahús.
„Ég bjóst engan veginn við því að vera skallaður. Þetta var verk glæpamanns og mjög svo heigulsleg árás og í raun bara ömurlegt af honum. Ef hann hefði gefið mér einhvern fyrirvara þá hefðum við bara slegist," sagði Presa við COPE.
De Tomas, sem er 27 ára gamall, var meðal annars orðaður við Manchester United í sumar, en Rayo ákvað að hætta við kaup á leikmanninum og fór það svo að hann var áfram hjá Espanyol.
Rayo sendi frá sér tilkynningu og greindi frá því að búið væri að leggja inn kvörtun til spænsku deildarinnar vegna umboðsmannsins en ekki er ljóst hvort hann verður kærður fyrir líkamsárás. Það sem meira er þá er De Tomas áfram orðaður við Rayo og gæti hann komið til félagsins í janúar en það er vonandi að viðræðurnar gangi betur þá.
🔴 Martín Presa con @isaacfouto:
— Tiempo de Juego (@tjcope) September 10, 2022
💥EXPLOTA EN DIRECTO💥
🎙️"Yo no alcé la mano a nadie. Estabamos de pie muy acalorados. Fue un cabezazo totalmente inesperado. Es de ser un criminal, muy cobarde y muy mierda. Porque si me lo dice, nos batimos". pic.twitter.com/3mRZhvp6tc
Athugasemdir