Lestu um leikinn: Ísland 4 -  0 Liechtenstein

Elías Rafn Ólafsson 6
Fínasta fyrsta snerting.

Alfons Sampsted 6
Gott skot sem bjó til seinna markið. Tók eðlilega mikinn þátt í sóknarleiknum.

Brynjar Ingi Bjarnason 6
Sá mikið um að bera upp boltann og gerði það virkilega vel. Afar kæruleyisleg hreinsun í eitt skiptið og hann fékk versðskuldað reiðilestur frá Arnari að launum.

Daníel Leó Grétarsson 6 ('31)
Pirrandi að meiðast í fyrsta keppnisleiknum. Fékk högg snemma í leiknum og þurfti svo að yfirgefa völlinn. Mæddi ekkert á Daníel varnarlega og Brynjar sá að mestu um að bera upp boltann.

Guðmundur Þórarinsson 6
Tók eins og Alfons eðlilega mikinn þátt í sóknarleik íslenska liðsins. Alls ekkert út á leik Guðmunds að setja.

Stefán Teitur Þórðarson 7
Flott frammistaða í fyrsta keppnisleiknum. Duglegur að koma sér inn á teiginn og skoraði mark eftir eitt af þeim hlaupum. Virkaði öruggur með sitt hlutverk.

Þórir Jóhann Helgason 6 ('65)
Þórir hefði alveg mátt reyna meira sjálfur í dag, aldrei vesen á miðjunni og Þórir var jafnvel áreiðnari gegn talsvert sterkari þjóðum.

Birkir Bjarnason 6
Stýrði miðjunni fyrir framan sig og virtist njóta sín vel sem djúpur miðjumaður. Aldrei vesen á fyrirliðanum í kvöld.

Jón Dagur Þorsteinsson 7 ('65)
Flott stoðsending og var áræðinn í leiknunm. Það sem hægt er að setja út á er að Jón Dagur var sjálfur í fínasta séns nokkrum sinnum að taka sjálfur skotið en þá leitaði hann af sendingunni. Í eitt líkt skipti fékk Ísland víti.

Albert Guðmundsson 7 - Maður leiksins
Feykilega öruggur á punktinum, það þarf að skora úr vítunum. Var mikið í boltanum og gerði sitt vel. Leiksskilningur Alberts þegar kom að því að lesa slakar sendingar nýttist í kvöld. Fann Mikael Egil einu sinni í góðri stöðu en Mikael náði ekki að nýta sér þá stöðu. Naut sín sem aðalmaðurinn í sóknarleiknum og sérstaklega þegar leið á.

Viðar Örn Kjartansson 5 ('65)
Afskaplega svekkjandi fyrir Viðar að ná ekki að setja boltann í dag. Fékk færi, 'fiskaði' víti en var samt einhvern veginn ekki í takti eða hluti af uppbyggingu Íslands. Þegar boltinn svo kom inn á hann í teignum þá neitaði boltinn að fara inn.

Varamenn:

Hjörtur Hermansson 6 ('31)
Fínasta frammistaða en alls ekki mikið að gera. Stundum aðeins kærulaus en aldrei neitt vesen.

Sveinn Aron Guðjohnsen 7 ('65)
Gerði mjög vel þegar hann krækti í vítaspyrnu. Lagði svo upp mark fyrir bróður sinn, skemmtileg stund.

Andri Fannar Baldursson 6 ('65)
Átti að skora með sínu fyrsta skoti í leiknum. Flott sending á Svein Aron í fjórða markinu.

Mikael Egill Ellertsson 5 ('65)
Albert fann hann einu sinni í frábærri stöðu en náði ekki að taka boltann með sér.

Andri Lucas Guðjohnsen ('80)
Skoraði fjórða markið eftir sendingu frá bróður sínum en spilaði ekki nóg til að fá einkunn.