Með sigri í kvöld getur Ísland unnið sinn þriðja heimaleik í röð.
Karlalandslið Íslands og Wales mætast í áttunda skiptið í sögunni í kvöld. Í fyrstu sjö leikjunum vann Wales fimm sigra, liðin gerðu eitt jafntefli og Ísland vann einu sinni.
Sigur Íslands kom í september árið 1984 á Laugardalsvelli í undankeppni fyrir HM 1986. Ísland vann 1-0 sigur og skoraði Magnús Helgi Bergs eina mark leiksins á 52. mínútu. Ásgeir Sigurvinsson var fyrirliði Íslands í leiknum.
Þetta var seinna mark Magnúsar á landsliðsferlinum en það fyrra hafði komið þremur árum áður í 6-1 tapi gegn Tékkóslóvakíu. Alls lék hann 16 landsleiki. Á ferli sínum lék hann með Val, Þrótti og Stjörnunni á Íslandi en erlendis lék hann m.a. með Dortmund og Racing de Santander.
Sigur Íslands kom í september árið 1984 á Laugardalsvelli í undankeppni fyrir HM 1986. Ísland vann 1-0 sigur og skoraði Magnús Helgi Bergs eina mark leiksins á 52. mínútu. Ásgeir Sigurvinsson var fyrirliði Íslands í leiknum.
Þetta var seinna mark Magnúsar á landsliðsferlinum en það fyrra hafði komið þremur árum áður í 6-1 tapi gegn Tékkóslóvakíu. Alls lék hann 16 landsleiki. Á ferli sínum lék hann með Val, Þrótti og Stjörnunni á Íslandi en erlendis lék hann m.a. með Dortmund og Racing de Santander.
Ísland og Wales mættust síðast árið 2014 á heimavelli Cardiff City. Jóhann Berg Guðmundsson skoraði eina mark Íslands í 3-1 tapi í vináttuleik. Gareth Bale fór hamförum í leiknum og réði íslenska liðið ekkert við hann.
BBC hitar upp fyrir leikinn og kemur inn á þá staðreynd að íslenska liðið er taplaust í síðustu fjórum heimaleikjum sínum. Í síðustu fjórum leikjum hefur liðið sigrað Svartfjalland, Liechtenstein, gert jafntefli gegn Lúxemborg og unnið Bosníu-Hersegóvínu. Sigri Ísland í kvöld verður það í fyrsta sinn síðan 2019 sem Ísland vinnur þrjá heimaleiki í röð.
Til þess að íslenska liðið vinni þarf að hafa hemil á hinum funheita Brennan Johnson sem hefur skorað sex mörk í síðustu sex leikjum Tottenham. Þá er Harry Wilson funheitur með velska landsliðinu en hann hefur komið að sjö mörkum í síðustu átta byrjunarliðsleikjum sínum með landsliðinu.
Landslið karla - Þjóðadeild
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Tyrkland | 3 | 2 | 1 | 0 | 4 - 1 | +3 | 7 |
| 2. Wales | 3 | 1 | 2 | 0 | 4 - 3 | +1 | 5 |
| 3. Ísland | 3 | 1 | 1 | 1 | 5 - 5 | 0 | 4 |
| 4. Svartfjallaland | 3 | 0 | 0 | 3 | 1 - 5 | -4 | 0 |
Athugasemdir
