400 stuðningsmenn Djurgården á Kópavogsvelli
Nikolaj óttast ekki stuðningsmenn Djurgården
Mynd: Fótbolti.net - Haukur Gunnarsson
Nikolaj óttast ekki stuðningsmenn Djurgården
Mynd: Fótbolti.net - Haukur Gunnarsson
Það má eiga von á mikilli stemmingu þegar Víkingar taka á móti Djurgården í deildarkeppni Sambandsdeildar Evrópu á Kópavogsvelli á morgun. Stuðningsmenn sænska liðsins eru ekki þekktir af góðu einu og er vonandi að þeir láti kappið ekki bera sig ofurliði líkt og þeir gerðu í grannaslag Djurgården og AIK á dögunum þar sem stuðningsmenn fyrrnefnda liðsins báru eld að Friends Arena í Stokkhólmi og ollu skemmdum. Málið var litið það alvarlegum augum að það rataði á borð ríkisstjórnar Svíþjóðar á sínum tíma sem fordæmdi hegðun stuðningsmanna Djurgården.
Lestu um leikinn: Víkingur R. 1 - 2 Djurgården
Öll eldri stúka Kópavogsvallar verður undirlögð stuðningsmönnum sænska liðsins auk þess að um 50 þeirra munu sitja í F hólfi Kópavogsvallar í norðurhluta nýju stúkunar. Tómas Þór Þórðarson fjölmiðlafulltrúi Víkinga fór yfir málin á blaðamannafundi fyrir leikinn í dag.
„Það er búið að selja allt boxið hinum megin til stuðningsmanna Djurgården sem að eru nú þekktir fyrir ýmislegt. Þeir voru meðal annars teknir fyrir á sænska þinginu í sumar þegar þeir köstuðu um 80 blysum inn á völlinn gegn AIK í Stokkhólmi svo það gæti verið svolítið fjör hér á morgun.“
Þrátt fyrir að mæta einum öflugustu aðdáendum Skandinavíu var þó engan bilbug að finna á fyrirliða Víkinga dananum Nikolaj Hansen sem sagði um málið.
„Ég held að það muni bara hjálpa okkur ef eitthvað. Við höfum sýnt það í útileikum. Auðvitað höfum við tekið eftir því þegar við göngnum til vallar en um leið og leikurinn er flautaður á þá gleymum við því.“
Leikur Víkinga og Djurgården fer fram á Kópavogsvelli og verður flautað til leiks klukkan 13:00. Fótbolti.net verður að sjálfsögðu á staðnum og verður leikurinn í beinni textalýsingu á vefnum auk þess sem viðtöl verða birt að leik loknum.
„Það er búið að selja allt boxið hinum megin til stuðningsmanna Djurgården sem að eru nú þekktir fyrir ýmislegt. Þeir voru meðal annars teknir fyrir á sænska þinginu í sumar þegar þeir köstuðu um 80 blysum inn á völlinn gegn AIK í Stokkhólmi svo það gæti verið svolítið fjör hér á morgun.“
Þrátt fyrir að mæta einum öflugustu aðdáendum Skandinavíu var þó engan bilbug að finna á fyrirliða Víkinga dananum Nikolaj Hansen sem sagði um málið.
„Ég held að það muni bara hjálpa okkur ef eitthvað. Við höfum sýnt það í útileikum. Auðvitað höfum við tekið eftir því þegar við göngnum til vallar en um leið og leikurinn er flautaður á þá gleymum við því.“
Leikur Víkinga og Djurgården fer fram á Kópavogsvelli og verður flautað til leiks klukkan 13:00. Fótbolti.net verður að sjálfsögðu á staðnum og verður leikurinn í beinni textalýsingu á vefnum auk þess sem viðtöl verða birt að leik loknum.
