Kristófer Páll Viðarsson er að æfa með Grindavík til reynslu um þessar mundir og mun spila með liðinu gegn Breiðabliki í Fótbolta.net mótinu um helgina.

Kristófer er samningsbundinn Keflavík út 2022 en samkvæmt upplýsingum frá umboðsmanni hans er hann á sölulista.

Kristófer spilaði tvo leiki með Keflavík í Lengjudeildinni í fyrra en Keflvíkingar unnu deildina og spila í Pepsi Max-deildinni á næsta tímabili.

Þessi 23 ára sóknarleikmaður sleit krossbönd 2019 og meiðsli hafa sett strik í reikninginn. Hann var lánaður í uppeldisfélag sitt, Leikni Fáskrúðsfirði, á síðasta tímabili.