Hörður Björgvin Magnússon.
Hörður Björgvin Magnússon, leikmaður CSKA Moskvu í Rússlandi, verður á leikskýrslu hjá Úlfunum í 4. deild karla á Íslandi í sumar.
Lárus Rúnar Grétarsson, þjálfari liðsins, greinir frá þessu á samfélagsmiðlinum á Twitter.
„Hörður Björgvin mun verða á leikskýrslu hjá hinum íslensku Úlfum í sumar. Ekki sem leikmaður, heldur sem forráðamaður og einn af eigendum hinna íslensku Úlfa. Staðfest," skrifar Lárus.
Hörður, sem er 28 ára gamall A-landsliðsmaður, er uppalinn hjá Fram en hefur verið í atvinnumennsku frá 2011. Hann fór fyrst til ítalska stórliðsins Juventus og lék hann með Spezia og Cesena á Ítalíu. Hann fór til Bristol City á Englandi en hefur verið í Rússlandi með CSKA frá 2018.
Úlfarnir eru í samstarfi við Knattspyrnufélagið Fram. Leikir Úlfanna verða spilaðir á Framvellinum í Safamýri í sumar.
Hörður Björgvin mun verða á leikskyrslu hjá hinum Íslensku ulfum í sumar ekki sem leikmaður heldur sem forraðamaður og einn. f eigendum hinna Íslensku Úlfa.
— Lárus Rúnar Grétarsson (@RunarLarus) April 10, 2021
STAÐFEST.
Athugasemdir
