Tiemoue Bakayoko í baráttunni við Cristiano Ronaldo
Ítalska félagið AC Milan er í viðræðum við Chelsea um að fá Tiemoue Bakayoko á láni út tímabilið en það er ítalski íþróttafréttamaðurinn Fabrizio Romano sem greinir frá þessu.
Bakayoko er 25 ára gamall miðjumaður en Chelsea keypti hann frá Mónakó árið 2017. Hann fann sig ekki hjá enska félaginu og var lánaður til Milan árið 2018 þar sem hann gerði vel.
Hann eyddi síðasta tímabili á láni hjá Mónakó en er nú mættur aftur til Chelsea.
Samkvæmt Fabrizio Romano þá hefur Milan lagt fram tilboð í Bakayoko en félagið vill fá hann á láni í eitt tímabil með möguleika á að kaupa hann á 35 milljónir evra.
Bakayoko er spenntur fyrir þeirri hugmynd að fara aftur til Milan en hann á tvö ár eftir af samningi sínum hjá Chelsea.
Athugasemdir
