Inter gekk í gegnum eigendaskipti og var framtíðin óljós, en Lautaro er núna búinn að skrifa undir nýjan fimm ára samning.

Lautaro er fyrirliði Inter og kom að 34 mörkum í 44 leikjum á síðustu leiktíð.

Með nýjum samningi fær hann um 10 milljónir evra í árslaun eftir skatt og er launahæsti leikmaður Inter.

Lautaro hefur verið hjá Inter í sex ár og gert magnaða hluti. Hann hefur til að mynda skorað 103 mörk í 206 leikjum í Serie A, auk þess að gefa 33 stoðsendingar.

Hann hefur unnið fjóra stóra titla með Inter en á enn eftir að vinna Evrópukeppni með félaginu eftir að hafa endað í öðru sæti bæði í Meistaradeildinni og Evrópudeildinni.