Endanlega varð ljóst í gær að lið Þróttar frá Reykjavík væri fallið úr Lengjudeild karla í gær þegar liðið tapaði 3-2 gegn ÍBV á Hásteinsvelli í gær. Það var því ansi brúnaþungur þjálfari liðsins Guðlaugur Baldursson sem mætti í viðtal til fréttaritara að leik loknum. Aðspurður um sín fyrstu viðbrögð var hann stuttorður en skýr.

„Okkur líður ömurlega eins og kannski skiljanlegt er.“

Lestu um leikinn: ÍBV 3 -  2 Þróttur R.

Sumarið hefur verið Þrótti erfitt og lengi stefnt í að fall yrði niðurstaðan þetta sumarið. Guðlaugur var spurður hvar hann sæi ástæðu þess að liðið fellur liggja.

„Ég vil reyndar segja að það sé ekki í dag. Mér fannst við spila góðan leik í dag og gerðum marga hluti mjög vel. En ég vil nota tækifærið og óska Eyjamönnum til hamingju með að vera komnir upp í efstu deild. Þeir eiga það svo sannarlega skilið. En já ég get tínt til einhverja leiki sem mér fannst við eiga fá eitthvað út úr en sé svo sem lítin tilgang í því. En ég segi leikurinn í dag felldi okkur ekki.“

Um sína framtíð og hvort hann yrði áfram með liðið sagði Guðlaugur.

„Ekki hugmynd. Við bara klárum leikinn næsta laugardag og svo þurfa menn bara að fá tíma til að anda og skoða málin.“

Sagði Guðlaugur en allt viðtalið má sjá hér að ofan.

STUÐNINGSSVEIT
FÓTBOLTA.NET

Komdu í hópinn!

Sífellt fleiri lesendur styrkja rekstur Fótbolta.net með mánaðarlegum greiðslum.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit