Búið er að fresta þremur leikjum sem áttu að fara fram í ensku úrvalsdeildinni um helgina þar sem lögreglan mun ekki geta mannað starfsfólk í gæslu í kringum leikina.
Það verður hins vegar spilað í Meistaradeildinni á morgun og miðvikudag og fjórir leikir munu fara fram á Bretlandi
Liverpool fær Ajax í heimsókn á Anfield á morgun. Á miðvikudaginn er síðan viðureign Chelsea og Salzburg og Man City og Dortmund á Englandi. Þá verður leikur Rangers og Napoli í Skotlandi.
Það er venjan að spila Meistaradeildar stefið fyrir alla leiki í Meistaradeildinni en það verður ekki gert í leikjum vikunnar á Bretlandi vegna þess að Bretar eru að syrgja fráfall drottningarinnar.
Athugasemdir