Spurning hvort Alfons nái landsleikjunum

Bretinn Lucas Arnold, sem er mikill áhugamaður um íslenska boltann sem og þann norska, segir frá því á Twitter að Alfons hafi meiðst í leik með Bodö/Glimt um helgina.

Alfons varð fyrir axlarmeiðslum í leik með Bodö gegn Tromsö í norsku úrvalsdeildinni.

Hann fer í skoðun núna snemma í þessari viku en það er vonast til þess að meiðslin séu minniháttar.

Alfons hefur verið byrjunarliðsmaður í hægri bakverðinum í undanförnum landsleikjum en framundan eru leikir gegn Albaníu og Venesúela.

🚨 Alfons Sampsted might be doubt for the upcoming @footballiceland squad. Suffered a shoulder injury against Tromsø on Sunday and will have an MRI early in the week. Seems there is optimism that it's minor and not a dislocation, though

— Lucas Arnold (@FotboltiLucas) September 12, 2022