Monza 2 - 1 Fiorentina
1-0 Patrick Ciurria ('44)
2-0 Daniel Maldini ('63)
2-1 Lucas Beltran ('74, víti)
1-0 Patrick Ciurria ('44)
2-0 Daniel Maldini ('63)
2-1 Lucas Beltran ('74, víti)
Albert Guðmundsson var í byrjunarliði Fiorentina sem heimsótti botnlið Monza í eina leik kvöldsins í ítalska boltanum.
Fiorentina skapaði sér lítið sem ekkert í fyrri hálfleik og skoraði Patrick Ciurria fyrir Monza undir lok fyrri hálfleiks, með einu marktilraun heimamanna sem hæfði markrammann.
Albert var skipt út í hálfleik fyrir argentínska framherjann Lucas Beltrán, en ekki tókst gestunum frá Flórens að skapa sér mikið af færum.
Daniel Maldini tvöfaldaði forystu Monza í síðari hálfleik sem var afar bragðdaufur en Beltrán tókst að minnka muninn með marki úr vítaspyrnu á 74. mínútu.
Meira var ekki skorað og urðu lokatölur 2-1 fyrir Monza, sem er áfram á botni Serie A.
Þetta var aðeins annar sigur Monza á deildartímabilinu og er liðið komið með 13 stig eftir 20 umferðir - sex stigum frá öruggu sæti í deildinni.
Fiorentina er í sjötta sæti deildarinnar og var þetta þriðja tap liðsins í síðustu fimm leikjum. Hinum tveimur lauk með jafntefli og því hefur liðið aðeins náð í tvö stig af síðustu fimmtán mögulegum.
Albert byrjaði vel hjá Fiorentina en hefur ekki tekist að finna taktinn eftir meiðsli sem hann varð fyrir í október.
Athugasemdir
