Samkvæmt ítölskum miðlum þá eru stórliðin Juventus og AC Milan að fylgjast grannt með gangi mála hjá leikmanninum hjá Chelsea og eru bæði lið reiðubúin að fá leikmanninn á láni.

Ziyech hefur einungis verið í byrjunarliðinu í einum leik undir stjórn nýja stjóra Chelsea, Thomas Tuchel. Það var í fyrsta leik stjórans sem endaði með markalausu jafntefli gegn Wolves.

Síðan þá hefur hinn 27 ára gamli Ziyech verið ónotaður varamaður í sigurleikjum gegn Tottenham og Sheffield United og þá var hann ekki í leikmannahópum í leiknum gegn Burnley.

Ziyech kom til Chelsea frá Ajax fyrir 37,8 milljónir punda og hefur hann spilað 19 leiki fyrir félagið á þessari leiktíð. Hann var í byrunarliðinu í sigurleiknum gegn Barnsley í bikarnum í gær en var skipt útaf velli í síðari hálfleik.