Haukur Páll var svekktur að fá ekki þrjú stig í kvöld.
Haukur Páll Sigurðsson, fyrirliði Vals, var svekktur með 0-0 jafntefli gegn Stjörnunni í Pepsi Max-deild karla í kvöld.
„Ég er bara fúll að taka ekki þrjú stig." sagði Haukur Páll einfaldlega aðspurður um fyrstu viðbrögð eftir leik.
„Ég er bara fúll að taka ekki þrjú stig." sagði Haukur Páll einfaldlega aðspurður um fyrstu viðbrögð eftir leik.
Lestu um leikinn: Valur 0 - 0 Stjarnan
Leikurinn var heilt yfir nokkuð bragðdaufur og lítið um færi, en Valsarar fengu þó aðeins betri möguleika til að stela sigrinum.
„Þetta var svolítil skák í fyrri hálfleik og lítið um færi gegn sterkum vörnum. Mér finnst við svo fá fínustu færi hérna í seinni hálfleik til að taka þrjú stig en það heppnaðist ekki í dag."
Valur er með 10 stig eftir sex umferðir og sitja í fimmta sæti deildarinnar.
„Við höldum bara áfram og það er næsti leikur. Við verðum bara að taka þessu stigi úr þessum erfiða leik." sagði Haukur Páll að lokum.
