Guðjón kom sterkur inn í dag.
Guðjón Baldvinsson, framherji Stjörnunnar, reyndist hetja Garðbæinga í 2-1 sigri gegn KR í dag.
„Þetta var mögnuð endurkoma. Heilt yfir vorum við kannski heppnir að vinna þar sem að við hefðum vel getað lent tvö, þrjú, núll undir." sagði Guðjón eftir leikinn
„Þetta var mögnuð endurkoma. Heilt yfir vorum við kannski heppnir að vinna þar sem að við hefðum vel getað lent tvö, þrjú, núll undir." sagði Guðjón eftir leikinn
Lestu um leikinn: KR 1 - 2 Stjarnan
KR-ingar voru heilt yfir hættulegri í þessum leik og komust 1-0 yfir um miðjan seinni hálfleik, en á síðustu fimm mínútum leiksins skoruðu Stjörnumenn tvö mörk.
„Við vorum að gefa hann svolítið mikið frá okkur, en það skiptir kannski ekki máli þegar að þú vinnur. Manni leið ekkert alltof vel á kafla en það sýnir styrkleika þegar að þú vinnur þegar að þú spilar ekki vel."
Stjörnumenn lyftu sér upp í annað sæti deildarinnar með sigrinum í dag og framundan eru leikir gegn Val og Breiðablik sem að sitja í fyrsta og þriðja sæti deildarinnar.
„Þetta eru allt úrslitaleikir sem að eru framundan. Við þurfum að gera betur en í dag og þá getum við sett smá pressu að vera í þessari toppbaráttu." sagði Guðjón að lokum.
Nánar er rætt við Guðjón í spilaranum að ofan.
