Lamine Yamal, leikmaður Barcelona, vill vera allan sinn feril hjá Barcelona og verða goðsögn hjá félaginu.
Þessi 17 ára gamli leikmaður skaust hratt upp á sjónarsviðið á síðustu leiktíð þegar hann var í stóru hlutverki hjá spænska félaginu en hann er uppalinn í víðfrægu La Masia akademíunni hjá Barcelona.
Lionel Messi er einnig alinn upp í La Masia og hafa margir verið að bera þá saman. Það er mikill heiður fyrir Yamal.
„Að vera líkt við þann besta í sögunni er ótrúlegt og það þýðir að maður sé að gera rétt en ég reyni að vera ég. Það verður erfitt að komast á hans stall. Ég vona að ég mun vera minnst sem Lamine Yamal," sagði Yamal.
Athugasemdir
