Ívar Arnbro Þórhallsson, leikmaður KA, er þessa dagana á reynslu hjá sænska úrvalsdeildarfélaginu Djurgården. Þetta kemur fram á heimasíðu félagsins.
Ívar, sem er 15 ára gamall markvörður, var sjö sinnum í hópnum hjá KA á nýafstöðnu tímabili og þykir gríðarlegt efni.
Hann er sem stendur á reynslu hjá Djurgården og verður þar í viku áður en hann æfir með Brommapojkarna, sem leikur í þriðju efstu deild.
Brommapojkarna er með eitt öflugasta yngri flokka starf Svíþjóðar og hefur skilað af sér mörgum frambærilegum leikmönnum.
Ívar á einn leik að baki fyrir U15 ára landslið Íslands en hann var í markinu í fyrri leiknum gegn Finnlandi í síðasta mánuði.
Athugasemdir