Það eru bara tveir leikir eftir í riðlinum í undankeppninni, leikurinn á fimmtudag og svo annar útileikur á sunnudag sem verður gegn Portúgal.

Ísland á enn tölfræðilega möguleika á að trygga sér á EM í gegnum riðilinn en líkurnar eru litlar sem engar, hreint ekki raunhæfar. Það er því eðlilegast að líta á komandi leiki sem mikilvæga undirbúningsleiki fyrir væntanlegt umspil í mars. Umspilið ræðst af árangri í Þjóðadeildinni og verður stakur undanúrslitalekur 21. mars og úrslitaleikur 26. mars.

Age Hareide er að slípa liðið saman fyrir umspilið mikilvæga. Eins og skýrt var á fréttamannafundi hans í síðustu viku er trúin á að lokaniðurstaðan verði sæti í lokakeppni EM í Þýskalandi. Það er markmiðið.

Sá norski hefur þurft að gera tvær breytingar á upprunalegum hóp fyrir leikina tvo. Gylfi Þór Sigurðsson og Mikael Anderson eru meiddir en þeir Andri Lucas Guðjohnsen og Mikael Egill Ellertsson voru kallaðir upp úr U21 landsliðinu.

   12.11.2023 22:40

Svona er staðan á strákunum okkar - Lokaleikirnir framundan

Það er spáð ljómandi fínu veðri í Vín á morgun þegar Ísland æfir aftur í borginni, veðurguðirnir slökkva á vökvunarkerfinu og spáð er fimmtán stiga hita.

Fótbolti.net er í Vínarborg og fylgir landsliðinu í komandi leikjum en hér má sjá nokkrar myndir sem Hafliði Breiðfjörð tók á æfingu dagsins. Seinna í kvöld koma svo viðtöl við nokkra leikmenn.

   12.11.2023 23:19

Líklegast að Ísland mæti Wales eða Ísrael í umspilinu í mars